Jinsi ya Kupika Kisamvu cha Nazi

Habari, leo jikoni tuna kisamvu, kisamvu chetu kitaungwa kwa nazi. Ni mboga nzuri inayoenda vyema kwa wali, ugali na hata mikate. Karibuni tuandae mboga yetu.

Pishi: Kisamvu cha Nazi

Mahitaji

• Kisamvu fungu kubwa 1
• nazi 2
• vitunguu maji 2
• vitunguu thoum kiasi
• mafuta kidogo
• chumvi kiasi

Jinsi ya Kuandaa na Kupika Kisamvu cha Nazi hatua kwa hatua

1. Kichambue kisamvu, ukikoshe, kisha ukitwange kilainike. Inapendeza ukikitwanga ukiwekee vitunguu thoum na pilipili kama unatumia.
2. kichemshe mpaka kiive, kikauke
3. bandika sufuria, weka mafuta yakipata moto weka vitunguu kaanga, kisha  weka vitunguu thoum, tia mboga yetu
4. Weka chumvi na tui zitozito, wacha ichemke hadi tui likauke, mboga tayari

Naam, kisamvu ndo hicho, na sio lazima nazi, ukijaaliwa karaga zilosagwa pia kina pikika vizuri. Mimi nimeandaa Wali mweupe pamoja na juisi ya Parachichi, karibuni